ላዕለዋይ ደረጃ ትምህርቲ (ዩኒቨርሲቲ ወይ ልዑል ናይ ሞያ ትምህርቲ (ሃ ቤ ኦ))

ትካል “ኡ ኣ ኤፍ”፡ ንልዑል ደረጃ ትምህርቲ ዘለዎም ስደተኛታት ዝሕግዝን ዝኣልን ዘይሻራዊ ማሕበር እዩ። ትካል “ኡ ኣ ኤፍ”፡ ንስደተኛታት ብዛዕባ ምርጫ ዓውደ-ትምህርቲ ምኽሪ ይልግስን ኣብ ምቅርራብ ትምህርትን ኣብ ግዜ ትምህርትን ድማ ይኣሊ። ትካል “ኡ ኣ ኤፍ”፡ ንትምህርቲ ዝምልከቱ ነግራት ገንዘባዊ ሓገዝ የበርክት (ናይ ቤት-ትምህርቲ ክፍሊት፡ ናይ ቋንቋ ስልጠናታት፡ መጽሓፍቲ፡ ኮምፒተርን ናይ መጓዓዝያ ወጻኢታትን)። ገለ ክፋል ናይ’ቲ ትካል “ኡ ኣ ኤፍ” ዝህቦ ምወላ ህያብ ክኸውን ከሎ ገለ ክፋል ድማ ልቓሕ ኮይኑ እቲ ዝግበር ምእላይ ምስ ኣብቅዐ ዝምለስ እዩ። ብተወሳኺ፡ ትካል “ኡ ኣ ኤፍ”፡ ንስደተኛታት ኣብ ምድላይ ስራሕ ይኣሊ። ካብ ትካል “ኡ ኣ ኤፍ” ምእላይን ናይ ገንዘብ ሓገዝን ክትሓትት ደሊኻ? ኣብ’ዚ መርበብ ገጽ ብምእታው፡ ናይ “ኡ ኣ ኤፍ” ሓገዝ ይምልከተካ እንተኾይኑ ተወከስ(externe link)።

ናይ ላዕለዋይ ደረጀ ትምህርቲ ክትከታተል መደብ ኔሩካ ከብቅዕ ብሰንኪ ስደት ማትሪክ ከይገበርካ መጺእካ? ኣብ ከም’ዚ ኩነታት ቀጥታ ናብ ናይ ኔዘርላንድ ላዕለዋይ ትምህርቲ ክትኣቱ ትኽእል ኢኻ ማለት ኣይኮነን። ናይ መሰጋገሪ ዓመት ብምውሳድ ግን ናብ ዝለዓለ ደረጃ ትምህርቲ ንምእታው ክትቀራረብ ትኽእል ኢኻ።

ኣብ’ቲ ናይ መሰጋገሪ ዓመት፡ ቋንቋ ኔዘርላንድ ብዘሓሸ ኣገባብ ትመሃርን ነቲ “ስታትስ ኤክዛመን ኤን ቴ 2-11” (Staatsexamen NT2-II) ዝበሃል ናይ ቋንቋ ፈተና ድማ ምቅርራብ ትገብረሉ። ብተወሳኺ፡ ምስ ኣብ መጻኢ ክትወስዶ ሓሲብካ ዘለኻ ዓውደ-ትምህርቲ ዝሳነዩ ገለ ገለ ዓይነት-ትምህርቲ ትወስድ። ናይ ኣመሃህራ ክእለት ተጽንዕን ምስ ስርዓተ-ትምህርቲ ኔዘርላንድ ድማ ትላለ። 

ነቲ ናይ መሰጋገሪ ዓመት ብዓወት ምስ ትዛዝሞ፡ ኣብ ናይ ላዕለዋይ ደረጃ ትምህርቲ ክትኣቱ ትኽእል። ዋላ’ውን ናይ ሃይ ስኩል ሰርቲፊኬት ምስ ዝህልወካ፡ ምውሳድ ናይ’ዚ መሰጋገሪ ዓመት ኣብ ምቅርራብ ላዕለዋይ ደረጃ ትምህርቲ ኣብ ኔዘርላንድ ጽቡቕ መቀራረቢ ክኾነካ ይኽእል እዩ። ኣብ መርበብ ገጽ ናይ ትካል “ኡ ኣ ኤፍ” (externe link)፡ ዝርዝር ናይ’ትን መሰጋገሪ ዓመት ዝህባ ኣብያተ-ትምህርቲ ክትረክብ ትኽእል።  

ኣብ ከባቢኻ ናይ ላዕለዋይ ናይ ሞያ ትምህርቲ (ሃ ቢ ኦ) እንተሎ ከተናዲ ደሊኻ? ኣብ መርበብ ገጽ ናይ ማሕበር ላዕለዋይ ደረጃ ኣብያተ ትምህርቲ (externe link)፡ ዝርዝር ናይ ኩለን ኣብ ሃገረ ኔዘርላንድ ዝርከባ ላዕለዋይ ደረጃ ኣብያተ-ትምህርቲ ክትረክብ ትኽእል።

ኣብ መርበብ ገጽ ናይ “ፌ ኤስ ኤን ኡ” (VSNU) (externe link) ድማ፡ ናይ ኩለን ኣብ ኔዘርላንድ ዝርከባ ዩኒቨርሲቲ ዝርዝር ትረክብ። ኣብኡ፡ መግለጺ ናይተን ዩኒቨርሲታትን ከምኡ’ውን ብቐጥታ ናብ’ቲ መርበብ ገጽ ናይ ነፍሲ ወከፍ ዩኒቨርሲቲ ትኣትወሉ ሊንክ’ውን ተዳልዩ ኣሎ።

በቲ ድሮ ዘለካ ሞያ ኣብ ኔዘርላንድ ብቐሊሉ ስራሕ ክትረክብ ከምትኽእል ክትፈልጥ ትደሊ? ወይ ድማ ኣየናይ ዓውደ-ትምህርቲ ዝያዳ ናይ ስራሕ ዕድል ከምዝፈጥረልካ ክትፈልጥ ድሌት ኣለካ? ኣብ መርበብ ገጽ www.studieperspectief.nl (externe link) ተወከስ። ኣብ’ዚ ገጽ፡ ብመንጽር ዓወደ-ትምህርትን ከባብን ኣየናይ ናይ ስራሕ ዕልድ ከምዘሎ ክትዕዘብ ትኽእል።