Infosheets

ንግዚኡ ካብ ናይ ስራሕ ሰዓታት ወጻኢ፡ ናብ ፍሉይ ቁጽሪ ስልኪ ናይ Praktijklijn ከምኡ’ውን Tandartslijn ክትድውል ትኽእል ኢኻ።

• ቁጽሪ ስልኪ Praktijklijn: 0800 0201051
• ቁጽሪ ስልኪ Tandartslijn: 0800 2233678

ኣብ ውሽጢ ናይ ስራሕ ሰዓታት ድማ፡ ናብ ቁጽሪ ስልኪ ናይ’ቲ ኣብ መዓስከርካ ዝርከብ GZA ክትድውል ትኽእል። እቲ ቁጽሪ ስልኪ፡ ኣብ’ቲ መዓጾ ናይ GZA ዘሎ ፖስተር ወይ ኣብ ካልእ ቦታታት ናይ azc ተለጢፉ ኣሎ።

ናይ ባዕልኻ ቴሌፎን ዘይብልካ እንተኾይኑ፡ ብ zorgtelefoon ጌርካ ናብ Praktijklijn ከምኡ’ውን ናብ Tandartslijn ክትድውል ትኽእል። 

ኣብ ትራም፣ ኣውቶቡስ፣ ሜትሮን ባቡርን ናይ ኣፍን ኣፍንጫን መሸፈኒ ማስክ ክትገብሩ ናይ ግድን እዩ። እዚ ንናይ ታክሲ ሞጋዓዝያ እውን ይምልከት። ብዝተኻእለ መጠን ካብ ገዛኹም ኣይትውጽኡ። ኣድላዪ እንተዘይኮይኑ ኣይትግሹ። 

ናይ ኣፍን ኣፍንጫን መሸፈኒ (ማስከር) ናይ ምግባር ግዴታ
ኣብ ትራም፣ ኣውቶቡስ፣ ሜትሮን ባቡርን ናይ ኣፍን ኣፍንጫን መሸፈኒ ክትገብሩ ናይ ግድን እዩ። እዚ ንናይ ታክሲ ሞጋዓዝያ እውን ዝምልከት እዩ። ኣብ ህዝባዊ ኣብ ውሽጢ ቦታታት ከም በዓል ኣብ ድኳናት፣ ስታሽዮናትን እውን ናይ ኣፍን ኣፍንጫን መሸፈኒ ክትገብሩ ኣለኩም። እንተደኣ ናይ ኣፍን ኣፍንጫን መሸፈኒ ዘይጌርኩም ድማ € 95,-  ይሮ ብገንዘብ ክትቅጽዑ ትኽእሉ ኢኹም።

ኣብ ናይ COA, GZA ከምኡ ድማ JGZ መጸበዪ ክፍልታትን ኮሮድዮታትን እውን ናይ ኣፍን ኣፍንጫን መሸፈኒ ክትገብሩ ናይ ግድን እዩ። 

ኣብ ግዳም
. ኣብ ግዳም እንተበዛሕካ 2 ሰባት ተቛጺርካ ክትራኸብ ትኽእል።
  ወይ ድማ ምስ ምሳኻ ዝቕመጡ ሰባት ምስ ኩሎም ኣብ ደገ ክትከውን ትኽእል ኢኻ።
  ዕድሚኦም ክሳብ 13 ዓመት ዝኾኑ ቖልዑት ኣብ ግምት ኣይኣትዉን እዮም።

. ይኹን እምበር፡ ካብ ሓድሕድካ ናይ 1 ሜትሮን ፈረቓን ክትርሕቕ ይግባእ። ዕድሚኦም ክሳብ 13 ዓመት ዝኾኑ ቆልዑት ግን ናይ 1 ሜትሮን ፈረቓን ርሕቀት ክሕልዉ ኣገዳሲ ኣይኮነን።
  ኣብ ሓደ ገዛ ብሓንሳብ ዝነብሩ ስድራ ርሕቀት ክሕልዉ ኣገዳሲ ኣይኮነን።

ኣብ ውሽጢ
- ቤት ምግብታትን ቤት መስተታትን ዕጽዋት እዮም።
- ሲነማታት፡ ትያትራትን ናይ ትልሂት ኣዳራሻትን ዕጽዋት እዮም። ሓደ ሓደ ቤተ መጻሕፍቲ መጻሕፍቲ ንምውሳድ ጥራሕ ክፉታት እዮም።
- ነዚ ብዝምልከት ኣብ ናቶም ናይ ኢንተርኔት መርበብ ተመልከቱ። ብጀካ ሱፐርማርኬታት፣ ቤት መድሃኒትን ካልኦት ኣፋውስ ዝሸጡ ድኳናትን መብዛሕቲኦም ድኳናት ዕጽዋት ኣዮም። ድኳናት ክሳብ ምሸት ዝኽፈትሉ እዋን የለን።
- ካብ 10 ለካቲት ጀሚርኩም ካብ ዱኳናት ዘድልይኹም ነገራት ብኢንተርነትን ብቴሌፎንን ኣዚዝኩም ናብ ድኳናት ብምኻድ ድማ ክትቅበልዎም ትኽእሉ ኢኹም። ነቲ ዝኣዘዝክሞ ንብረት ኣብ ዝተወሰነ እዋን ጥራሕ ኢኹም ክትወስድዎ ትክእሉ። 1 ሰብ ጥራሕ እዩ ድማ ነቲ ንብረት ክወስዶ ዝፍቀድ። ንብረት ምስ ኣዘዝኩም ክሳብ ትወስድዎ እንተ ወሓደ ናይ 4 ሰዓታት ፍልልይ ክህልው ኣለዎ።
- ስፖርት መግበሪ ቦታታት ዕጽዋት እዮም።

ሕላፍ ሰዓት
ካብ ቀዳም ዕለት 23 ጥሪ ጀሚሩ ኣብ ኔዘርላንድ ሕላፍ ሰዓት ኣብ ተግባር ውዒሉ ኣሎ። እዚ ማለት ድማ ካብ ሰዓት 21:00 ናይ ምሸት ክሳብ ሰዓት 4:30 ናይ ለይቲ ኣብ ዘሎ እዋን ካብ ገዛ ምውጻእ ኣይፍቀድን እዩ።
ኣዝዩ ኣድላዪ ዝኾነ ምኽንያት ምስ ዝህልወኩም ጥራሕ ኢኹም ናብ ደገ ምውጻእ ዝፍቀደኩም። ንኣብነት እንተደኣ ናይ ግድን ናብ ሆስፒታል ምኻድ ኣድልይኩም ኾይኑ ወይ ድማ እንተደኣ ናይ ዑቕባ መስርሕኩም ንኸተካይዱ ክትገሹ ናይ ግድን ኾይኑ (ንኣብነት ምስ IND ቃለ መጠይቕ ንምግባር)። እንተደኣ ኣብ እዋን ሕላፍ ሰዓት ናብ ደገ ወጺእኩም ድማ መውጽኢኹም ምኽንያት ዝገልጽ ወረቐት ከተርእዩ ኣለኩም።
ኣንተደኣ ናይ ሰዓት ሕላፍ ሕጊ ጥሒስኩም ናይ € 95 ኤውሮ ናይ ገንዘብ መቕጻዕቲ ክውሰነልኩም ይኽእል እዩ።

ኣብ ውሽጢ ገዛኻ
ኣብ ገዛኹም እንተበዝሐ ሓደ ሰብ ክመጻኩም ይኽእል እዩ። ኣብ ነንሕድሕድኩም ድማ ናይ 1,5 ሜትሮ ርሕቀት ክትፈናተቱ ኣለኩም።

ብዝተኻእለ መጠን ብዙሕ ኣይትግሽ።
ካብ ብዙሕ ኣገደስቲ ዘይኮኑ መገሻታት ምቑጣብ ኣገዳሲ እዩ።
ስለዚ እዩ ድማ COA ንነበርቲ ንኣገደስቲ ንዝኾኑ ጉዳያት ጥራሕ መገሻ ክገብሩ ዘፍቅድ ዘሎ፣ ንሶም ድማ፥
- ናይ ሕክምናን ናይ ውሕስነት ምኽንያታትን።
- ናይ ዑቕባን ናይ ምውጻእ መስርሓት ኣብ ዝግበረሉ እዋናትን።

ብህዝባዊ መጏዓዝን ታክስን ኣብ ትጓዓዝሉ እዋን ናይ ኣፍን ኣፍንጫን መሸፈኒ ክትገብሩ ናይ ግድን እዩ

- እዚ፡ ንኹሉ 13 ዓመትን ልዕሊኡን ዘሎ ሰብ ይጸንዕ።
- ኣብ ህዝባዊ መጓዓዝያ ከለኻ፡ ነቲ ናይ ኣፍ መሸፈኒ ጨርቂ ኣይትወጽኣዮ።
- ኣብ ነፍስ-ወከፍ ጉዕዞ (ምኻድ ኮነ ምምላስ) ሓድሽ ናይ ኣፍ ጨርቂ ክትወዲ ይግባእ። ዋላ ከማን ዝሕጸብ ናይ ኣፍጨርቂ ይኹን ብዘየግድስ። ስለ’ዚ፡ ክልተ ናይ ኣፍ ጨርቂ ከድልየካ እዩ ማለት እዩ። ሓንቲ ክትከይድ ከለኻ፡ ሓንቲ ድማ ክትምለስ ከለኻ ትወድየን።
- ናይ ኣፍ ጨርቂ ምስ ዘይትወዲ፡ ናይ 95 ኤውሮ ሞልታ ክትቅጻዕ ትኽእል።
- ኣብ ስቴሽናት ኮነ ባቡር ደው ዝብላሉ ሓዲዳት ናይ ኣፍ ጨርቂ ናይ ግድና ኣይኮነን።
- ኮዋ (COA) ናይ ኣፍ ጨርቂ ኣይዕድልን እዩ። ባዕልኻ ክትገዝኦ ወይ ክትሰርሖ ኣለካ።

ብኻልእ ኣገባብ ክትጓዓዝ ዘይትኽእል እተኾንካ ጥራሕ ብኣውቶቡስ፡ ትራም፡ ሜትሮ ወይ ባቡር ተጓዓዝ።
ብዝተኻእለ መጠን ካብ ሓድሕድካ ርሒቕካ ኮፍ በል።
ኣብ ፌርማታ ኮነ ኣብ ስቴሽን ግን ካብ ሓድሕድካ ናይ 1 ሜትሮን ፈረቓን ፍንትት በል።
ናይ ኣፍን ኣፍንጫን መሸፈኒ ግበር

ምስ ሕማም ኮረና ዝኸዱ ናይ ጥዕና ጥርዓናት ኣለውኻ ዶ? እምበኣር ተመርመር!
እቶም ጥርዓናት እዞም ዝስዕቡ ክኾኑ ይኽእሉ እዮም፥
 
- ብሃንደበት መቐረትን ሽታን ናይ ምስትምቓር ስምዒት ምጥፋእ 
- ረስኒ
- ናይ ሰዓል ጥርዓናት፣ ከም ነድሪ ኣፍንጫ፣ ናይ ኣፍንጫ ጸረርታ፣ ሕንጥሸው ምባል፣ ናይ ጎሮሮ ቃንዛ፣ ሰዓልን ማዕበስትን ዝኣመሰሉ።

ክትወስዶም ዘለካ ተወሰኽቲ ስጉምትታት፦
• ነቲ ክፍሊ ወይ መንበሪ ኣሃዱ (እንተላይ ዝረስሐ ኣቕሑ) ጽቡቕ ጌርካ ብሳምና ሕጸቦ። መምከኒ ባእታ ኣየድልየካን እዩ። ይኹን እምበር፡ ተጠቒምካ ትድርብዮ ጓንቲ ግን ኩሉ ሳዕ ተጠቐም። ብድሕሪኡ የእዳውካ ተሓጸብ (ን 20 ካልኢት ብሳምና - ነቲ ቪደዮ ትዓዘብ)።  

 video.

• ነቶም ዝተናኸፉ ነገራት ኣጽርዮም። ንኣብነት፡ ናይ ማዕጾ መትሓዚ፡ ናይ ማይ ቡምባ ከምኡ’ውን ናይ ሽቓቕ ኮፍ መበሊ። እንተወሓደ 70% ኣልኮል ዘለዎ መምከኒ ባእታ ጌርካ ትሓጽቦ። ነዚ እንተወሓደ፡ ሓደ ግዜ ኣብ መዓልቲ ግበሮ። 
• ጎሓፍ፡ ኣብ ብግቡእ ዝተዓጹዉን ዘይተቐዱን ፌስታላት ይእትዎ። 
• ናውቲ ዓራት፡ ኣብ ዝተዓጽዉ ፌስታላት ጌርካ ካብን ናብን ኣንቀሳቕስ። ክትሓጽብ ከለኻ ድማ፡ 60 ዲግሪ ወይ ካብኡ ንላዕሊ ተጠቐም።

• ካብ ቤትካ ኣይትውጻእ። እዚ፡ ነቶም ምሳኻ ዝነብሩ’ውን ይምልከት እዩ። ኣጋይሽ ኣይትቀበል።
• ቤትካ ንፋስ መታን ክኣትዎ፡ ኣብ መዓልቲ ተደጋጋሚ ግዜ መስኮት ክፈት።

ምስ ሕማም ኮረና ዝኸዱ ናይ ጥዕና ጥርዓናት ኣለውኻ ዶ? እምበኣር ተመርመር!

እቶም ጥርዓናት እዞም ዝስዕቡ ክኾኑ ይኽእሉ እዮም፥
- ብሃንደበት መቐረትን ሽታን ናይ ምስትምቓር ስምዒት ምጥፋእ
- ረስኒ
- ናይ ሰዓል ጥርዓናት፣ ከም ነድሪ ኣፍንጫ፣ ናይ ኣፍንጫ ጸረርታ፣ ሕንጥሸው ምባል፣ ናይ ጎሮሮ ቃንዛ፣ ሰዓልን ማዕበስቲ ዝኣመሰሉ ጥርዓናት።

ናይ ምርመራ ቖጸራ

ምርመራ ንኽግበረልካ ቆጸራ ንምሓዝ ኣብ ከባቢኻ ናብ ዝርከብ GZA ቴሌፎን ደውል ወይ ብድሕሪ ናይ ስራሕ ሰዓታት ናብ GZA ናብ ስልኪ ቑጽሪ: 088 - 112 2 112 ወይ ድማ 0800 - 020 1 051 (ብዘይ ክፍሊት) ደውል።

ናይ ሕክምና ቁጽርኻ (zorgnummer) ቀርቦ GZA ምርመራ ንኽግበረልካ ቆጸራ ክሕዙልካ እዮም።

ካብ ገዛ ኣይትውጻእ
- ምርመራ ንኽግበረልካ ጥራሕ ኢኻ ናብ ደገ ክትወጽ ዘለካ።
- ናይ ዝገበርካዮ ምርመራ ውጽኢት ክሳብ ዝፍለጥ ካብ ገዛ ኣይትውጻእ።
- ናይ ዝገበርካዮ ምርመራ ውጽኢት ብ GZA ክሕበረካ እዩ።

እቲ ናተይ ናብ ናይ ምምሕዳር ገዛ ምቕያር ኣብ ግዜ ቅልውላው ኮርና ክቕጽል ድዩ?
ኣብ መብዝሕትአን ምምሕዳራት እወ። ኣብ ገለ ምምሕዳራት ግን ኣይቅጽልን እዩ። እንተድኣ ሓንቲ ምምሕዳር እቲ ምግዓዝ ኣይቅጽልን እዩ ኢላ ወሲና፡ ኣብ መዓስከር ናይ ምጽናሕ መሰልካ ዝተሓለወ ይኸውን። ሰሙናዊ ድማ፡ ካብ COA ገንዘብ ይወርደልካ። ብተወሳኺ፡ ብመንገዲ COA ኣቢሉ፡ ናይ ጥዕና መድሕንን ናይ ሕጋዊ ታሓታትነት መድሕንን ይህልወካ። እዚ፡ ዋላ’ኳ ድሮ ናይ ክራይ ገዛ ውዕል ፈሪምካ እንተነበርካ ይምልከተካ እዩ። 

ናይ ክራይ ገዛ ውዕል ፈሪመ ክነሰይ ገዛ ኣይግዕዝን እየ ኢለ ክኣቢ ይኽእል ዶ?
ኣይፋልን። ናይ ገዛ ክራይ ውዕል ዝፈረምካ እንተኾንካ እሞ እቲ ምምሕዳር ነቲ ናትካ ናይ ገዛ ምግዓዝ ክቕጽል ኣለዎ ዝብል እነኾይኑ፡ ንስኻ ክትግዕዝ ግቡእ ኣለካ። 
ንስኻ ወይ ድማ ምሳኻ ዝነብሩ ብቫይረስ ክሮና ዝተለኸፍኩም እንተኾንኩም ግን (ረስኒ፡ ጉንፋዕ፡ ሰዓል)፡ ንስኻን እቶም ምሳኻ ዝነብሩ ሰባትን ን 10 መዓልታት ክትውሸቡ ስለዘለኩም፡ እቲ ምግዓዝ ገዛ ክቕጽል ኣይክእልን። 

ኣነ ብጥርናፈ ድሒረ ዝመጻኹ ኮይነ ምስ’ቲ ዘምጽኣኒ ሰብ ይነብር ኣለኹ፡ ግን ገና መንበሪ ፍቓድ ኣይተዋህበንን። መድሕን (ኢንሹራንስ) ኣለኒ ዶ?
መንበሪ ፍቓድ ክሳብ ዘይሃለወካ፡ ብመንገዲ COA ኢኻ መድሕን ዝግበረልካ። ኣብ ናይ ምምሕዳር ክብረ-መዝገብ ገና ስለዘይተመዝገብካ ድማ፡ ኣውትኬሪንግ ክትሓትት ኣይትኽእልን ኢኻ።