Հայրենադարձության քաղաքականությունը
Սույն տեղեկությունները նախատեսված են այն ապաստանյալների համար որոնց ապաստանի դիմումը մերժվել է: Նիդերլանդների կառավարությունը վարում է հայրենադարձության քաղաքականություն, որի հիմնական ելակետն է այն դրույթը որ ապաստանյալը պարտավոր է ինքնուրույն հեռանա Նիդերլանդներից` ապաստանի գործընթացի բոլոր և հնարավոր միջոցների սպառման և ավարտի դեպքում: Երկրից հեռանալու հարցում ապաստանյալը կարող է ստանալ (ֆինանսական) օգնություն:

Ապաստանի հայցի մերժում
Դուք ապաստանի հայց եք ներկայացրել  Immigratie- en Naturalisatiedienst (IND).  IND ապաստանի գործընթացի վարույթում մերժել է ձեր ապաստանի հայցը: Այդ կապակցությամբ ստացել եք կարգադրություն: Այդ կարգադրության փաստաթղթում նշված է Նիդերլանդներից հեռանալու ժամկետը`այլ խոսքերով մեկնման վերջնաժամկետը: Կարգադրությունը ստանալուն պես Նիդերլանդների իշխանությունների կողմից պահանջվում է որ դուք ձեռնարկեք նախապատրաստական քայլեր Նիդերլանդներից հեռանալու նպատակով:

Մեկնման ժամկետը լրանալու դեպքում զրկվում եք նաև ճամբարում օթևան ստանալու իրավունքից: Դուք այդ պահից զրկվում եք ապաստանյալների ճամբարում մնալու իրավունքից: COA կողմից նշանակվող հատկացումները նույնպես դադարեցվում են: Հնարավոր է նաև որ հայտնվեք օտարերկրացիների կալանքի տակ: Նիդերլանդների կառավաությունը իրավասու է նաև ձեզ ստիպողաբար վտարել երկրից:

Բողոքարկում
IND մերժումը կարող եք բողոքարկել դատարանով: Բողոքարկման հնարավորությունների և հետևանքների մասին լրացուցիչ տեղեկություններ կարող եք գտնել Ճամբարում օթևան ստանալու իրավունքի ընդհատում (հետաձգման ենթակա բողոքարկում) և Ճամբարում օթևան ստանալու իրավունքի ընդհատում (բողոքարկում որը հետաձգման ենթակա չէ) տեղեկագրերում:

Ինքնուրույն հայրենադարձություն
Ապաստանի գործընթացի բոլոր և հնարավոր միջոցների սպառման և ավարտի դեպքում պարտավոր եք Նիդերլանդներից ինքնուրույնորեն հեռանալ: Եթե որոշել եք բողոքարկել ձեր ապաստանի հայցի մերժումը ապա խորհուրդ է տրվում այդ գործերով զբաղվելու ժամանակը նպատակահարմար կերպով օգտագործել և զբաղվել նաև Նիդերլանդներից հեռանալու նախապատրաստմամբ:

Հայրենադարձության մասին խորհրդատվություն
Կան Նիդերլանդներում գործող կազմակերպություններ որոնք կարող են ձեզ օգնել հայրենադարձության անհրաժեշտության դեպքում: website Return assistance կարող եք գտնել լրացուցիչ տեղեկություններ այս կազմակերպությունների մասին: Այս կարգի կազմակերպություններից ամենաճանաչվածներից են` International Organization for Migration (IOM) և Dienst Terugkeer en Vertrek (DT&V):

International Organization for Migration (IOM) կարող է ձեզ օգնել Նիդերլանդներից ինքնուրույնորեն հեռանալու ուղղությամբ:

IOM:
• ապահովում է հայրենադարձության մասին խորհրդատվությամբ և տեղեկատվությամբ
•կարող է կազմակերպել հայրենադարձության ուղևորությունը և փոխհատուցել այդ նպատակով կատարած որոշ ծախսերը
• կարող է օգտակար լինել ինքնությունը հաստատող և ճանապարհորդության փաստաթղթերի (օրինակ վերադարձի վկայականի) ձեռքբերման հարցում
• կարող է ձեզ ուղղեկցել համապատասխան իշխանություններին դիմելիս, օրինակ դեսպանություն`(ճանապարհորդական) փաստաթղթեր ձևակերպելու համար
• կարող է հարկ եղած դեպքում ֆինանսական և գործնական աջակցություն ցուցաբերել հայրենադարձության աջակցական ծրագրերից օգտվելու հարցում

IOM անկախ կազմակերպություն է որը խորհրդատվական ծառայություններ է մատուցում ամբողջ երկրում: IOM ցանցակայքում նշված են կազմակերպության մասնաճյուղերը: Խորհրդատվական ժամերին IOM կարող է ձեզ տրամադրել տեղեկություններ հայրենադարձության մասին

Dienst Terugkeer en Vertrek (DT&V) կարող է ձեզ նույնպես օգնել Նիդերլանդներից հեռանալու անհրաժեշտության դեպքում`օրինակ ձևակերպելով ինքնաթիռի տոմս և ճանապարհորդական փաստաթղթեր:

DT&V միջամտության դեպքում համակարգող աշխատակիցը ձեզ հետ կվարի մի շարք զրույցներ հայրենադարձության մասին: Համակարգող աշխատակցի նախընտրում է երկրից ինքնուրույն հեռանալու տարբերակը:

Եթե դուք չեք ցանկանում ինքնուրույն հեռանալ ապա DT&V կարող է կարգադրել ձեր ստիպողական հեռացումը: Հնարավոր է որ DT&V կարգադրությամբ հայտնվեք օտարկերկրացիների կալանքի տակ:

DT&V գործադիր կազմակերպություն է որը պարտավորվ է ի կատար ածել Նիդերլանդների կառավարության հայրենադարձության քաղաքականությունը:

COA խրախուսում է ձեզ ժամանակին զբաղվել նախապատրաստվելով ձեր հայրենադարձությանը: Այսպիսով`
•հավանորեն բացառվում է հետագա ստիպողական հեռացման տարբերակը
•վերանում է անօրինական անձ հայտարարվելու հավանականությունը և կանխվում COA կողմից հատկացումների ընդհատումը:

COA կարող է ձեզ տեղեկություններ տրամադրել`
•հայրենադարձության և հայրենադարձության քաղաքականության մասին
•ապաստանի գործընթացում տեղի ունեցող փոփոխությունների հետևանքների մասին
•այն կազմակերպությունների մասին որոնք ձեզ կարող են աջակցել հայրենադարձության դեպքում

Ժամանակին օգտվեք ընձեռվով հնարավորություններից: Այսպիսի հարցերով կարող եք դիմել COA  տեղեկատու սեղանին:

COA- ն ձեզ կտեղեկացնի ձեր վերադարձի մասին.
• Անձամբ կզրուցեն ձեզ հետ:
• Ապագային վերաբերող դասընթացներ: Այդ դասընթացի ժամանակ COA- ն ձեզ հետ կխոսի ձեր ապագայի մասին: Դասընթացը կանցկացնեն  մի խումբ բնակիչների հետ միասին: Դասընթացը կկայանա թարգմանչի միջոցով